Вторник

17

сентября

18
Аль - Мухаррам
1441 | 2019
Утр.4:56
Вос.6:14
Обед.12:43
Пол.16:07
Веч.19:01
Ноч.20:19
Времена намазов
Календари 2019г

Намаз

Neşirler Galereya

Müsulmanlar  içün ruhiy destek leyhası…

Опубликовано: 12 March, 2019

Qırım ve Sevastopol şeeri müsulmanları Diniy idaresi erkânındaki “Müsulmanlarğa ruhiy destek Birleşmesiniñ Qırım regional vekâletligi” tarafından, cemiyetteki ruhiy problemlerni çezmek maqsadı ile ameliy seminarlar ve treninglerniñ ötkerilmesi planlaştırıla.

APPM Qırım regional vekâletliginiñ reisi Zeyneb Bairovanıñ sözlerine köre, Birleşmeniñ esas maqsadı – islâm ruhiyatınıñ, diniy psihologiyanıñ saası olaraq inkişafında meraqları olğan bütün mütehassıslarnı (ruhiyatçılar, din erbapları, ocalar) celp etmektir. Bu –  Rusiye müsulmanlarınıñ aktual problemlerini çezmege ve diniy maneviy-ruhiy yardımnı köstermege siltem berir.

Zeyneb Bairova: “Regional vekâletlik bir yıl devamında halqara ruhiyat konferentsiyalarında iştirak etti, aktual mevzularğa bağışlanğan seminarlar keçirdi”, – dep ayttı.

Mart ve aprel ayında yaş analar içün işini, “Ananıñ quçağında” adlı terapevtik taqım başlacaq.

Aqmescit UMT mektepleriniñ 10-11 sınıf talebeleri içün zenaat seçüv boyunca treningler planlaştırıldı. Bundan da ğayrı, programmağa balalarnıñ inkişafına bağışlanğan farqlı master-klasslar ve treningler kirsetildi.

Qırım Müftiligi erkânında APPM işi çerçivesinde, bala ruhiyatçısı; qoranta psihoterapevti; defektolog; teşkilât ruhiyatçısı kibi mütehassıslarnıñ tevsiyelerini almağa imkân olur.

Bugünki künde APPİ Qırım regional vekâletligine ruhiy faaliyetiniñ farqlı saalarına ait olğan 6 mütehassıs kire (qoranta psihoterapevti, bala ruhiyatçıları, defektologlar, ilâhiyatçılar).

2018 senesiniñ noyabr ayında Qırım mütehassısları, “İslâm Ruhiyatınıñ Halqara Birleşmesi”ne aza olaraq qabul etildi – bunıñ Qırım müsulmanları içün büyük emiyeti bar.

Tavsilâtlı malümat acele telefon ağı boyunca almaq mümkün: +7 (964) 555 92 66 (www.islampsiholog.ru.).

Ya da: +7978 863 95 66 telefon nomerası boyunca Qırım vekâletligi mütehassıslarınen bağlana bilesiñiz.

QMDİ MDT matbuat merkezi