Вторник

16

октября

5
Сефер 
1440 | 2018
Утр.5:34
Вос.6:50
Обед.12:33
Пол.15:27
Веч.18:07
Ноч.19:23
Времена намазов
Календари 2018г

Намаз

Neşirler Galereya

Müftilikte “Güzel Qırım” yarışına yekün çekildi (FOTO)

Опубликовано: 27 January, 2018

Qırım ve Sevastopol şeeri müsulmanları Diniy idaresinde “Güzel Qırım” bala resimi yarışınıñ jüri azaları toplaştı. Yarışnıñ teşkilâtçıları – QMDİ “Hidayet” gazetası ve “Büllür” Qırım müsulman qadınları birleşmesidir. Yarışta Qırımnıñ farqlı regionlarından balalar iştirak etti. Umumen, 50 iş qabul etildi.

Jüri terkibine Qırım ve Özbekistanda nam qazanğan ressam Halil Memedlâyev, ressam Lenur Velilâyev ve ressam, dizayner Ervin Seytasanov kirdi.

Jüri azaları iştirakçilerniñ işine qıymet kesip, eñ güzel resimlerni seçip aldılar. Halil Memedlâyevniñ sözlerine köre, bazı işler öz yüksek derecesinen ayrette qaldıra:

“Bizim balalarımız pek istidatlı ve bunı inkişaf etmek kerek. Olarnı ögretmek, tasilge daa büyük emiyet bermek kerekmiz. Böylece, biz milletimizniñ yüksek tasil saipleri, istidatlı intelligentsiyasını terbiyelecemiz”, – dep ayttı Halil Memedlâyev.

Ressam Lenur Velilâyevniñ aytqanına köre, resimlerniñ dörtten bir qısmı ihtisasiy derecede yapılğan.

“Bazı işler ayrette qaldıra. Müelliflerni ise endi ressam dep adlandırmaq mümkündir”, – dep qayd Lenur Velilâyev.

Yarışnıñ neticeleri ve ğaliplerniñ adları fevralniñ başında tantanalı mukâfatlandıruv merasiminde belli olacaq. Bundan da ğayrı, jüri azaları birlikte iştirakçiler içün tasviriy sanat boyunca ögretüv dersini keçirecekler.

QMDİ MDT hızmeti