Вторник

17

сентября

18
Аль - Мухаррам
1441 | 2019
Утр.4:56
Вос.6:14
Обед.12:43
Пол.16:07
Веч.19:01
Ноч.20:19
Времена намазов
Календари 2019г

Намаз

Neşirler Galereya

Архивы Haberler - Page 2 of 55 - ЦРО ДУМК

Balalar içün ingliz tili kursları

Опубликовано: 3 September, 2019

Qırım ve Sevastopol şeeri musulmanları diniy idaresiniñ «Faydalı ilim» oqutuv-maarif merkezinde balalar içün ingliz tili boyunca yañı gruppalarnıñ açıluvı ilân etile. Birinci taqımğa – 6-9 yaşındaki balalar, ekinci gruppağa ise 10-13 yaşındaki balalar davet etile. Dersler er cumaaqşamı ve bazar künleri saat 10:00 - 11:00 qadar, ekinci gruppa içün ise, saat 11:00-12:00 qadar keçirilecek. Yazılmaq içün telefon nomerası: +7978 143 0507. Birinci ders 2019 senesi  sentâbr 07 künü ötkerilecek. Adres: Aqmescit ş., Pobeda caddesi, 128, «Faydalı ilim» oqutuv merkezi. QMDİ matbuat hızmeti
Erecep Hayretdinovnıñ qorantasına taziye

Опубликовано: 27 August, 2019

Qırım Müftisi, çoq yıllar devamında Qırımtatar Milliy Areketiniñ (OKND) reisi olğan Erecep Hayretdinovnıñ vefat etkeni sebebinden taziye bildirdi: "Qırım musulmanları adından, Qırımtatar milleti Qırımğa qaytqanı ve tuvğan topraqta halqnıñ aq-uquqlarınıñ ğayrıdan tiklenilüvi içün küreşken Erecep Hayretdinovnıñ qorantasına, tuvğanlarına taziye bildirem. Sabır, baş sağlığı tileyim. Kerçekten, Allahtan keldik ve Oña qaytacaqmız. Allah rahmet ve merhamet eylesin". Erecep Hayretdinov avgust 27 künü 68 yaşına yetmeden, vefat etti. QMDİ matbuat hızmeti
Elvida, Fevzi Yaqubov (FOTO)

Опубликовано: 25 August, 2019

2019 senesi avgustnıñ 25-nde Qırım, Qırım Cumhuriyetiniñ şerefli vatandaşı, Qırım müendislik-pedagogika universitetiniñ prezidenti Fevzi Yaqubov ile vedalaştı. Fevzi Yaqubovnı tanığan yüzlernen insan -  yaqınları, dostları, meslekdeşleri, işdeşleri – toplaştı. Vedalaşuv, universitet binasında keçirildi.  Cenaze namazını Kebir camide Qırım Müftisi hacı Emirali Ablayev qıldırdı.  Müfti: "Epimiz bu dünyada musafirmiz. Er kesniñ öz künü ve saati bardır. Eñ müimi -   hayatnı deger ve itibar ile yaşamaqtır. Bir insan aqqında ne qadar eyi sözler aytılsa da, onıñ qıymetini  bilmek ve qadirine yetmek, o, daa hayatta olğanda, kerektir. Böyle daqqalar bizge, biri-birimizniñ canını agırtmamaq, aqaretlememek, fitne-fesat yaymamaq, öşek-ğıybet darqatmamaq
Hacılar Qırımğa qayttı (FOTO)

Опубликовано: 24 August, 2019

98 insandan ibaret olğan Qırım hacılarınıñ nevbetteki taqımı Vatanğa qayttı. Saatler ve yüzlernen kilometr devam mürekkep yol, alışılmağan şaraitke baqmadan, hac  ibadeti lâzim olğan şekilde eda etildi. Aqmescit şeerinde hacılarnı, Qırım Müftisiniñ muavini Ayder İsmailov ve  "AVN-tur" QMDİ hac - operatorınıñ reberi Artur Reşitov qarşıladılar. Üç aftağa yaqın müddet devamında, Qırım musulmanları, dünyanıñ diger musulmanları ile bir sırada, hacılıq ibadetini  yerine ketirdiler, Mekke ve Medinedeki tarihiy meşur yerlerni ziyaret ettiler. Qırım Müftisiniñ muavini, hacılarnı, sağ-selâmet olıp Vatanğa qaytmaları ile hayırladı ve: "Qırım musulmanları diniy idaresi, "AVN-tur"  hac-operatorı ile birlikte, bu senedeki hacılıqnıñ teşkil etilüvi ile b
UFSİN idaresindeki müessiselerde Qurban bayramı qayd etildi (FOTO)

Опубликовано: 15 August, 2019

Qurban bayramı munasebeti ile, 1-sanlı taqiqat izolâtorı ve Qırım Cumhuriyeti ve Sevastopol şeeri boyunca Rusiye UFSİN 1-sanlı koloniyasını, Aqmescit ş. imamı Muhammed İslamov ve onıñ yardımcısı İbraim Zinedinov ziyaret ettiler. Imam, musulmanlarnı bayramnen hayırladı ve er keske sağlıq, sabır ve tez vaqıtta yaqınları ile qavuşmaqnı tiledi. Ziyaret çerçivesinde bayram namazı qılındı, tatlı sofra donatıldı. Muhammed İslamov: “Yoldan tayğanlarğa yardım köstermek – bizim borcumızdır. Fikirimizce, bu insanlarnı, problemleri ve dertleri ile yüz-yüzge, yanğız qaldırmaq olmaz. Qırım musulmanları diniy idaresi, 12 yıldan berli bu vaziyette bulunğan musulmanlarğa destek köstere. İleride de yardım etmege devam etecekmiz”, – dep ayttı. Bundan da ğayrı,
Bahşışlar, tatlılar, kontsert! Aqmescit civarında Qurban bayramı qayd etildi (FOTO)

Опубликовано: 15 August, 2019

Aqmescitniñ Beloye-5 qasabasında Qurban bayramına bağışlanğan büyük bayram keçirildi. Tedbir teşkilâtçıları – Qırım Müftiliginiñ destegi ile yerli din cemiyeti ve Beloye-5 qasabasınıñ cemaat taqımı, bayram musafirleri içün meraqlı programmanı teşkil ettiler. Bala icadiy taqımlarınıñ çıqışları, bahşışlar ile yarışlar, "Nesil" oyun amsambliniñ çıqışları oldı. Balalarnı animatorlar eglendirdi, öz oyun istidadını Alâdin Memetov numayış etti, Bekir Adilov ilâhilerni icra etti. Balalar içün tatlı sofralar donatıldı, esli başlı adamlarğa bahşışlar berildi. Tasviriy sanat tögereginiñ iştirakçileri öz qollarınen yapqan işlerni kösterdiler. Bayram tedbiri çerçivesinde, rayonnıñ faal sakinlerine mukâfatlar ve fahriy yarlıqlar berildi. Bundan da ğayrı,
Cürçi rayonı  – dostluq ve birlik müitinde bayram (FOTO)

Опубликовано: 15 August, 2019

Cürçi rayonınıñ memuriyeti, Gvardeyskoye köyüniñ sakinleri ve Qırım Cumhuriyeti ve Sevastopol şeeri musulmanları diniy idaresiniñ "Aqçora" musulman din teşkilâtına, Qurban bayramını teşkil etmege yardım köstergenleri içün teşekkürler bildire. Bayram tedbirini, rayonnıñ yerli icadiy taqımlarınıñ icrasındaki qırımtatar yırları yaraştırdı. Musafirlerni pilâvnen siyladılar, bayramnıñ küçük musafirlerine ise tatlı bahşışlar berildi. "Küreş" milliy sport yarışlarınıñ ğalipleri qıymetli bahşışlarğa nail oldı. Ananeviy "canlı" bahşışnı (qoynı) ğalip Nazim Davletşayev omuzlarına köterdi. Rayon memuriyetiniñ teşekkürnamesinde: "Bütün musulmanlarnı bu bereketli ve quvanç tolu bayramnen hayırlaymız. Bizim eyi işlerimiz ise dinlerara ve bütün milletle
Mekkede 2019 senesi  hacılığınıñ birinci neticeleri çıqarıldı (FOTO)

Опубликовано: 15 August, 2019

Mekkede, Rusiyeniñ SAQ-daki baş konsulı Bagavudin Aliyev ve RF Hacılıq-missiyasınıñ reberi Magomed Gamzayevniñ yolbaşçılığında, RF Hacılıq missiyasınıñ muşaveresi olıp keçti. Qırım musulmanları diniy idaresi tarafından AVN-Tur Qırım hacılıq-operatorınıñ reberi Artur Reşitov iştirak etti. Muşavere çerçivesinde iştirakçiler, 2019 senesi  hacılığınıñ neticelerini muzakere etti, 2020 senesi keçirilecek hacılıqqa dair olğan tekliflerini seslendirdiler. Artur Reşitov: "Allahqa şükürler olsun, 2019 senesi hacılıq daa güzel olıp keçe. Bütün qaydlar köz ögüne alındı ve ileride biz, buña köre, hacılıq teşkil etüviniñ seviyesini daa eyileştirmege tırışacaqmız", - dep ayttı. QMDİ matbuat hızmeti [gallery link="file" columns="4" size="medium" ids="3265
Aqmescitte Qurban bayramı qayd etildi (FOTO)

Опубликовано: 14 August, 2019

Qırım paytahtınıñ, Aqmescit şeeriniñ merkezinde, Trenöv adına raatlıq yerinde üç biñ insan toplandı, insanlar tuvğanları, soy-sopları, dostları ve qomşularınen birlikte bayramnı er kesnen paylaşmaq içün keldiler. Bayram teşkilâtçıları – Qırım ve Sevastopol şeeri musulmanları diniy idaresi, Milletlerara munasebetler ve sürgün etilgen vatandaşlarınıñ işleri boyunca Devlet komiteti ve şeer memuriyetidir. Qırım musulmanlarını ve bayram musafirlerini Qırım Müftisi hacı Emirali Ablayev hayırladı ve: "Bu - dostluq, sayğı ve biri-birini af etüv bayramıdır. Vatanğa qaytqanımızğa ve diger din ve millet vekillerinen qomşu olıp yaşağanımızğa 30 yıl toldı. Öz tamırlarımızğa, medeniyetimizge ürmet ile yanaşsaq, başqaları da bizge nisbeten ürmetnen davrana
Qırım Müftiligi qırımtatar tili kurslarına davet ete

Опубликовано: 13 August, 2019

Qırım Cumhuriyeti ve Sevastopol şeeri musulmanları diniy idaresi bedava keçirilecek qırımtatar tili kurslarına davet ete. Derslerge qırımtatar tilini bilmegen, serbest laf etmek içün bilgi seviyesini arttırmağa, qırımtatar tilinde oqumağa ve yazmağa ögrenmek istegen er kes davet etile. Nevbetteki kurs 2019 senesiniñ sentâbr 10 künü açılacaq. Dersler salı ve cumaaqşamı künleri saat 17:00 keçirilecek. Kurs programması 3, 5 ay devam etecek. Derslerni qırımtatar tili ve edebiyatı ocası Tamila Abduveliyeva alıp baracaq. Birinci ders 2019 senesiniñ sentâbr 10 künü saat 17:00 başlanacaq. Adresimiz: Aqmescit şeeri, Kurçatov soq., 4 (QMDİ konferents-zalı). Yazılmaq içün telefon nomeraları: +7 978 0741847; + 7 (978) 8958393. QMDİ matbuat hızmeti