Четверг

14

ноября

17
Рабиуль - авваль
1441 | 2019
Утр.6:09
Вос.7:29
Обед.12:33
Пол.14:55
Веч.17:26
Ноч.18:46
Времена намазов
Календари 2019г

Намаз

Neşirler Galereya

Архивы Haberler - Page 2 of 57 - ЦРО ДУМК

Qırım Müftisi ve Simferopol ve Qırım Mitropoliti dostane körüşüvni keçirdiler

Опубликовано: 2 October, 2019

Körüşüv çerçivesinde, yañı nesilniñ maneviy-ahlâqiy terbiyesi meseleleri, yaşlarnıñ vatanperverligi, tuvğan topraqqa nisbeten sevgi ve onıñ kelecegi içün mesüliet duyğusı, bundan da ğayrı, Qırımda yaşağan farqlı konfessiyalar ve milletlerniñ medeniyetleri arasında biri-birine nisbeten ürmetniñ pekitilüvi meselesi muzakere etildi. Müfti ve Mitropolit, şeer parkında, topraq işleri vaqtında insan kemikleriniñ tapıluvı mevzusını muzakere ettiler. Bugünki künde işler toqtatıldı, uquqqoruyıcı organlarına haber berildi, kemikler ekspertizağa yollanıldı. Tarihçılarnıñ tahminiy malümatına köre, kemikler tapılğan yerde qadimiy musulman mezarlığı yerleşken edi. Maneviy liderler, merhumlarnıñ kemiklerine nisbeten ürmetsiz davranışnı takbih ettiler ve p
AVN-Tur Qırım hac-operatorı 2019 senesi hacılıqnıñ muvafaqiyetli keçirilüvi aqqında haber etti (FOTO)

Опубликовано: 1 October, 2019

Rusiye Federatsiyasınıñ Federatsiya Şurasınıñ Federal  toplaşuvında, reis muavini  İlyas Umahanovnıñ reberliginde, Hac missiyasınıñ toplaşuvı olıp keçti. Tedbirde, 2019 senesi hacılıqnıñ neticeleri çıqarıldı. Bundan da ğayrı, muşaverede, RF Tış işler Nazirligi, Rosturizm, Rosaviatsiya, Rospotrebnadzornıñ temsilcileri, Rusiye hac-missiyasınıñ terkibine kirgen Hac-operatorlarnıñ reberleri iştirak etti. Qırım ve Sevastopol şeeri musulmanları Diniy İdaresi, resmiy hac-operatorı işiniñ neticeleri ile, QMDİ Tış alâqalar ve hacılıqnıñ teşkil etilüv bölüginiñ reberi Artur Reşitov çıqışta bulundı. Rusiye hac missiyasınıñ başı Magomed Gamzayev, 2019 senesi Hacılıqnıñ muvafaqiyetli keçirilüvi ile hayırladı. Vekâletliklerniñ temsilcileri ise, öz nevbe
İslâm dünyası ve Qırım hanlığı – Canköy rayonında orta mektep ocaları ve talebeleri içün yarış keçirildi (FOTO)

Опубликовано: 29 September, 2019

Canköy rayonınıñ Roşçino köyünde "İslâm dünyasınıñ tarihı ve Qırım hanlarınıñ tarihı" mevzusında V Cumhuriyet yarışı olıp keçti. Açıq yarışta orta mektep ocaları ve talebeleri iştirak etti. Cemi, 125 insan qoşuldı. Yarış, Qırım Müftisi hacı Emirali Ablayevniñ reberliginde Canköy şeer memuriyeti ve Roşçino orta tasil mektebiniñ destegi ile keçirildi. Yarışnıñ teşkilâtçısı – tarihçı ve cemaat erbabı Reşat Asmanovdır. Yarışnıñ maqsadı – talebelerniñ intellektual seviyesini yükseltmek ve medeniy-tarihiy asabalıqqa nisbeten ürmet duyğusını aşlamaqtır. Yarış şartları boyunca, iştirakçiler, İslâm tarihı ve Qırım Hanlığınıñ tarihı  boyunca 4 testten keçmek kerek edi. Neticelerge köre, 10 eñ güzel iştirakçi finalğa çıqtı ve birincilik içün küreşti
Kefe civarında caminiñ temeli qoyuldı! (FOTO)

Опубликовано: 27 September, 2019

2019 senesi 27 sentâbr künü Nasıpnoye köyünde (Kefe ş.) tantanalı şekilde, ileride qurulacaq caminiñ temeli qoyuldı. Yerli sakinler bu vaqianı çoqtan berli beklediler. Tedbirde RF DD deputatı Ruslan Balbek, Millletlerara munasebetler ve sürgün etilgen grajdanlarnıñ işleri boyunca Devlet Komitetiniñ reisi Lenur Abduramanov, Kefe şeer şurasınıñ deputatları, şeer memuriyetiniñ reberligi, Qırım Müftisiniñ yardımcısı Raim Ğafarov, Kefe regionınıñ imamı Nariman Köroğlu, olacaq caminiñ imamı Üsein Haliliç, pravoslav diniy idaresiniñ vekilleri, yerli sakinler bulundı. Temel, eki betonovozdan tökülip toldurıldı. Temel qoyuluvından evel qurban çalındı. Qırım Müftisiniñ yardımcısı Raim Ğafarov dua oqup, er kesni qurucılıqnıñ başlanuvı ile hayırladı.
İslâm dersleri on-layn!

Опубликовано: 27 September, 2019

Qırım Müftiligi diniy sualler boyunca on-layn leyhasını başlay. On-layn derslerini, İslâm fıqhı magistri, Qırım Müftisiniñ muavini Ayder İsmailov alıp baracaq. Er çarşembe künü saat 11:00 #faydali_ilim İnstagram saifesinde müim mevzular açıqlanacaq ve suallerge cevaplar olacaq. Leyha, musulmanlarnıñ diniy bilgi seviyesini yükseltmek içün çalışacaq. QMDİ matbuat hızmeti
Yañı leyha

Опубликовано: 27 September, 2019

Qırım ve Sevastopol şeeri musulmanları Diniy İdaresiniñ "Faydalı ilim" ("Yañı Baar") medeniy-maarif leyhası balalarnı ruhiy ve pedagogik ceetten mektepke azırlay. Programmada:  - nutuq inkişafı (ses/arif/ añlamları ile tanışuv. İkâye etmege, añlatmağa, yazmağa ögrenilecek) - riyaziyat (matematika) (esap, sayınıñ terkibi,  şekiller), etraftaki dünya (ösümlikler, tabiat adiseleri, ayvanlar, insan aqqındaki başlanğıç bilgiler). Er derste nefes aluv, korrektsion-inkişaf meşğuliyetleri, beden terbiyesi daqqaları ötkerilecek. Dersler aftada eki kere bazarertesi ve cumaaqşamı künleri saat 13:00-15:00 arasında keçirilecek. Dersler 2019 senesi 03 oktâbr  künü başlanacaq. Tavsilâtlıca +79780614217 telefon nomerası vastası ile bilmek mümkün: QMDİ
“Büllür” 3 yaşında! (FOTO)

Опубликовано: 24 September, 2019

Qırım ve Sevastopol şeeri musulmanları Diniy İdaresiniñ "Büllür" Qırım musulman qadınlarınıñ cemaat Birleşmesi 3 yılını qayd etti. Bayram tedbiri Bağçasaray rayonınıñ güzel manzaralı köşeleriniñ birisinde olıp keçti. Qadınlar teşkilâtı farqlı saalarda çalışqan qadınlarnı bir arada topladı. Hususan, hayriye aktsiyaları, İslâm maarifi, qırımtatar medeniyeti ve tiline destek kösterici leyhalardır. Birleşmeniñ reberi Niyara Canbazovanıñ sözlerine köre, qadınlar birleşmesiniñ faaliyeti farqlı programmalardan ibaret. Niyara Canbazova: "Bu, belli bir mevzuğa bağışlanğan seminarlar ve musulman qadınlarınıñ körüşüvleri, internat ve qartlar eviniñ sakinlerine yardım, bayram tedbirleri ve ekskursiyalarnıñ teşkil etilüvi, bundan da ğayrı, çoqbalalı ve
Aqşeyh camisiniñ damına sadaqa toplanıla

Опубликовано: 14 September, 2019

Qırım musulmanları Diniy İdaresi ve Aqşeyh rayonınıñ din cemiyeti, Aqşeyh rayonınıñ Berezovka köyündeki cami qurucılığı ile bağlı hayır işine qoşulmağa davet ete. Qış mevsimine qadar camininiñ üstüni qapatmaq kerektir.   Destek köstermek içün, Aqmescit şeeri, Kurçatov s., 4 adresi boyunca Qırım Müftiligine ya da yerli imamğa muracaat ete bilesiñiz. QMDİ matbuat hızmeti
“Halq medresesi” davet ete (FOTO)

Опубликовано: 13 September, 2019

Qırım ve Sevastopol şeeri musulmanları Diniy İdaresi erkânında teşkil etilgen "Halq medresesi" kursına ekinci sefer qabul etüv ilân etildi. Programma çerçivesinde, İslâm dini esasları, arap elifbesi, Quran oquvı ve qırımtatar halqınıñ milliy ananeleri ögrenile. 15 yaşından başlap yigitler ve erkekler davet etile. Yerlerniñ sayısı sıñırlı. Dersler, er cumaaqşamı künü saat 18:00 "Seit-Settar" diniy külliyesinde, Aqmescit ş., Klara Tsetkin (sabıq Sofiyskaya) soqağı, 34 adresi boyunca keçirilecek. QMDİ matbuat hızmeti [gallery link="file" columns="4" size="medium" ids="33262,33260"]  
Qırım Müftiliginde arap tiliniñ “Medine kursı” keçirilecek

Опубликовано: 11 September, 2019

Qırım Müftiliginde arap tiliniñ "Medine kursı" keçirilecek. "Medine kursı" 5 ay devam ete, 34 dersten ibarettir, ders 75 daqqa devamında keçirile. "C 1 / C 2" seviyesindeki dersler aftada 2 kere ötkerilecek. Diñleyicileriniñ qabul etüvi testlerden soñ olıp keçe. Kurs programması, laqırdı etüv, oquv, yazuv ve nutuqnı añlaya bilmek qabiyeliyetini inkişaf ettirmege yardım ete. Kurslarnıñ maqsadı – keçken yıllar devamında talebeler menimsegen bilgilerni pekitmek, olarnıñ bilgi seviyesini arttırmaq, grammatik konstruktsiyalarnı, til baylığını er künlük ayatta qullanmaq ve arap tilinde oqumağa ve tercime etmege ögrenmektir. Dersler bazarertesi ve cuma künleri saat 17:00 keçirilecek. Kurslarğa 2019 senesi oktâbr 31 kününe qadar yazılmaq mümkün.