Пятница

14

декабря

5
Рабиуль - ахир
1440 | 2018
Утр.6:39
Вос.8:04
Обед.12:43
Пол.14:45
Веч.17:12
Ноч.18:37
Времена намазов
Календари 2019г

Намаз

Neşirler Galereya

“Altın nesil” – Muhammed Peyğamberge (s.a.v.) mektüpler (FOTO)

Опубликовано: 30 April, 2018

“Altın nesil” bala-yaşlar klubında iştirakçilerniñ er aylıq körüşüvi olıp keçti. Tedbir QMDİ “Faydalı ilim” diniy-maarif leyhası çerçivesinde keçirildi. Tedbirde 15 insan iştirak etti.

Ay devamında iştirakçiler farqlı yarışlardan, viktorinalardan ve kvestlerden keçti. Körüşüvde de viktorina, Sevimli Muhammed Peyğamberniñ (s.a.s.) ayatı aqqında subet ve “Muhammed Peyğamberge mektüp” yarışı keçirildi.

Yarış şartları boyunca Peyğamberge (s.a.s.) bağışlanğan şiir ya da muracaatnı yazmaq kerek edi. Balalar vazifeni alâ derecede al ettiler. Olarnıñ samimiy mektüpleri jüri azalarını lâqayd qaldırmadı ve ğaliplerni seçip almaq kibi mürekkep vazifeni yerine ketirmek qolay olmadı.

Birincilikni Ayşe Velilâyeva, Sureya Bairova ve Fatime Yusupova qazandılar. Klub reberleri onlayn yarışlarında faaliyet köstergen iştirakçilerni de taqdirledi. Körüşüv dostane ve sıcaq müitte keçirildi. Tedbirniñ soñunda balalar attraktsionlarda kezdiler.

Hatırlatamız, “Altın nesil”  bala musulman internet-klubı genç musulmanlar içün faaliyet köstermekte. Onıñ esas maqsadı: 10-16 yaşındaki gençler içün alternativ musulman qonuşuv meydanını qurmaqtır. Klub azası olmaq içün telefon nomerası:  +79788639566.

QMDİ matbuat hızmeti